Cynorthwy-ydd Cyfleusterau

Cyflog: £26,773 - £27,631

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 1664

Sefydliad:

Cyngor Sir Caerfyrddin

Adran:

Corporate Buildings

Nifer y swyddi gwag:

5

Math o gontract:

Parhaol Amser Llawn

Lleoliad:

Sir Gaerfyrddin

Gradd:

Gradd D +8%

Cyflog:

£26,773 - £27,631

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£13.88 - £14.32

Oriau Contract:

37

Dewch i ymuno â'n tîm

Mae Cyngor Sir Gar yn chwilio am bump unigolyn rhagweithiol a hyblyg i ddarparu cymorth gweithredol ar gyfer cyfleusterau ar safle cyffrous newydd Canolfan Pentre Awel.

Fel Cynorthwy-ydd Cyfleusterau byddwch yn helpu i sicrhau bod yr adeiladau, y tiroedd a'r offer yn cael eu cynnal a'u cadw'n weithredol. Gan adrodd i'r Rheolwr Cyfleusterau Safle, byddwch yn cynorthwyo gyda gweithrediadau dyddiol y cyfleusterau, gan helpu i sicrhau bod yr eiddo'n ymarferol ac yn ddiogel i denantiaid ac ymwelwyr.

Bydd angen i chi fod yn hyblyg ar gyfer patrymau gwaith newidiol, gan y bydd rota yn ei lle ar gyfer yr oriau agor o 6am tan 11pm, o ddydd Llun i ddydd Sul, gyda diwrnodau i ffwrdd wedi'u trefni bob wythnos. Bydd gan ymgeiswyr llwyddiannus y gallu i gyflawni'r ystod o dasgau sydd eu hangen ar gyfer y rôl, a'r gallu i ddysgu systemau newydd. Byddai profiad blaenorol mewn rôl gofalu/cynnal a chadw adeiladau neu debyg o fantais.

Mae Canolfan Pentre Awel yn ganolbwynt hamdden a busnes blaenllaw yng nghanol Parc Arfordirol y Mileniwm, ger y traethau ac arfordir trawiadol Llanelli. Mae'r safle 83 erw o amgylch wedi'i gynllunio i ddarparu ystod o wasanaethau cymunedol a masnachol, gan ganolbwyntio ar hamdden, iechyd a lles.

Bydd Canolfan Pentre Awel yn gartref i'r ganolfan hamdden, gyda phyllau nofio, campfa, cyfleusterau chwaraeon, pwll hydrotherapi, a mannau digwyddiadau. Mae'r caffi canolog yn gwahodd defnyddwyr i'r adeilad, a fydd hefyd yn gartref i amrywiaeth o sefydliadau eraill gan gynnwys Bwrdd Iechyd Prifysgol Hywel Dda, Prifysgol Abertawe, a thenantiaid busnes eraill.

I gael trafodaeth bellach ar y swydd hon, cysylltwch â Sonia Qualters, Rheolwr Cyfleusterau ar 01267 246246 neu e-bostiwch squalters-jones@sirgar.gov.uk

Disgrifiad Swydd:

Generic - Facilities Assistant Job Profile.pdf - 155KB ~~EFORM_FILE_NEW_WINDOW~~

Lefel Sgiliau Cymraeg - Siarad:

Lefel 1 - Bydd angen gwybodaeth sylfaenol am y Gymraeg arnoch. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 28/05/2025, 23:55

Y Buddion

Rydym yn cynnig pecyn buddion ardderchog, gan gynnwys:

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.