Pennaeth - Uned Cyfeirio Disgyblion Ceredigion

Cyflog: 57,304 - 66,430 *

Ynglŷn â'r rôl
Rydym yn chwilio am arweinydd ysbrydoledig, perthynol a llawn cymhelliant i arwain ein Uned Cyfeirio Disgyblion ar sail contract cyfnod penodol o 2 flynedd.

Ynglŷn â'r Rôl

Cyfle unigryw yw hwn, y gellir ei ymgymryd ag ef drwy secondiad, i arwain yr UCD ac i gefnogi gwasanaethau ymddygiad ar draws Ceredigion. Byddwch yn darparu arweinyddiaeth addysgol strategol, yn rheoli tîm ymroddedig o staff, ac yn gweithio'n gydweithredol â gwasanaethau allweddol gan gynnwys Ymgysylltu a Chyflawniad, Cynhwysiant, a'r Gwasanaeth Ieuenctid.

Byddwch yn gyfrifol am gyflwyno gweledigaeth glir ac uchelgeisiol sy'n sicrhau llwyddiant i bob dysgwr ac sy'n hwyluso eu hailintegreiddio i addysg brif ffrwd. Mae'r rôl hefyd yn cynnwys rhoi cyngor arbenigol ar ymddygiad a llesiant, goruchwylio cyllideb yr UCD, dadansoddi data cynnydd dysgwyr, a chyfrannu at bolisi ac arfer ymddygiad ar draws yr awdurdod lleol.

Pam Ymuno â Ni?

Mae hwn yn gyfle gwerth chweil i weithiwr proffesiynol angerddol a phrofiadol wneud effaith barhaol ar fywydau pobl ifanc, siapio dulliau addysg gynhwysol, ac arwain tîm ymrwymedig i ddarparu cefnogaeth a darpariaeth o ansawdd uchel.

Disgrifiad Swydd a Manyleb Person

Ein cynnig i chi

Rydym wedi ymrwymo i fuddsoddi yn ein pobl a byddwn nid yn unig yn cynnig cefnogaeth i'ch galluogi i berchenogi meysydd cyfrifoldeb allweddol y swydd hon yn gyflym ac yn hyderus ond hefyd yn cefnogi eich datblygiad er mwyn i chi allu gwneud cynnydd yn eich gyrfa gyda ni.

Yn gyfnewid am eich sgiliau a'ch ymrwymiad, byddwn yn cynnig ystod o fuddion gweithwyr i chi gan gynnwys cynllun oriau hyblyg, gweithio hybrid, lwfans gwyliau blynyddol cystadleuol, cefnogaeth gynhwysfawr i weithwyr o ran iechyd a lles a chynllun cyfraniadau pensiwn hael.

Gellir cael mwy o wybodaeth am ein hystod eang o fuddion gweithwyr ar ein gwefan gyrfaoedd.

Cyfweliadau

Cynhelir cyfweliadau ar 06/10/2025.

Manylion Ychwanegol

Rydym yn croesawu ceisiadau gan ymgeiswyr sy'n ceisio secondiad. Argymhellir gofyn am ganiatâd rheolwr llinell/cyflogwr cyn gwneud cais i sicrhau y gallwch ddychwelyd i'ch swydd barhaol unwaith y bydd y secondiad wedi dod i ben.

Cysylltwch â ni

Am wybodaeth pellach a thrafodaeth anffurfiol ynglŷn â'r swydd hon cysylltwch gyda Samantha Connolly drwy ebost - samantha.connolly@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymoi ddiogelu ac amddiffyn plant ac oedolion sydd mewn perygl Fel rhan o'r ymrwymiadhwn,maerhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau'r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a'ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaeth Ysgolion a Diwylliant
Rydym yn cynnig her a chefnogaeth briodol i'n hysgolion, i'w helpu i gyflwyno addysg o'r radd flaenaf i bob disgybl, ar draws yr ystod oedran a gallu. Mae ein prif swyddogaethau yn cynnwys:

• Gwella Ysgolion: Arweinyddiaeth; Cefnogaeth a Her, Addysgu a Dysgu; Llythrennedd Digidol; Llythrennedd a Rhifedd; Cymraeg mewn Addysg
• Anghenion Dysgu Ychwanegol: Darpariaeth ar gyfer disgyblion ag Anghenion Dysgu Ychwanegol, Cynhwysiant; Presenoldeb; Seicoleg Addysg
• Lles Disgyblion: Cwnsela; Lles; Gwrth-fwlio, Llais Disgyblion
• Llywodraethu Addysg: Data; Cefnogaeth Llywodraethwyr, Cefnogaeth polisi
• Derbyniadau Ysgol
• Diwylliant: Gwasanaeth Cerdd; Cered; Theatr Felinfach; Amgueddfa
• Seilwaith ac Adnoddau: cynllunio lleoedd ysgol, moderneiddio a rhaglen ysgolion yr Unfed Ganrif ar Hugain, Adeiladau; Grantiau
• Arlwyo: Canolfannau Dydd; Ysgolion cynradd; Cartrefi preswyl
• Uned Gofal Plant: Asesiad Digonolrwydd Gofal Plant; Grant Gofal Plant a Chwarae; Cynnig Gofal Plant Cymorth busnes a hyfforddiant staff ar gyfer Darpariaeth Ôl Ysgol (Clybiau ar ôl Ysgol a Chlybiau Gwyliau); Meithrinfeydd Dydd, Cylchoedd Meithrin/Chwarae a Gwarchodwyr Plant

Aberaeron Mae Aberaeron yn dref harbwr brydferth ac mae'n un o gyrchfannau gwyliau mwyaf poblogaidd Ceredigion gyda llefydd poblogaidd i aros a bwyta.
Darllen mwy